挑選梳化尺寸與材質的四大秘訣
梳化喺客廳擔當重要角色，佔客廳比較大既空間。無論休息定睇電視，一家大小都會用到梳化。所以尺寸大小都要花啲心思去量度，由其空間較細嘅客廳放上一張大型梳化，只會令空間更加狹小。小編今日就講下梳化尺寸啦，仲會話你知材質應該點揀好。
市面上有多款梳化，包括單人梳化、雙人梳化、三人梳化、L型梳化、梳化床。香港普遍客廳都唔大，所以二、三人梳化就足夠。當然，如果你嘅客廳比較大，咁就比較適合擺放一張L型梳化或梳化床。
聽完以上原來有咁多款式既梳化，問題嚟啦！咁究竟揀邊款好呢？屋企想放L型梳化，會唔會放唔落㗎？
挑選Tips 1：量度牆壁寛度
首先，要喺屋企選擇好電視同梳化嘅位置，兩者要有適當嘅距離。我哋可以先量度梳化背靠嘅牆壁有幾長，從而計算出應該買幾大嘅梳化。想買L型或梳化床，咁就要睇埋梳化最長嘅長度係幾多。如果想望落空間無咁擠逼，梳化可以按返比例，大約係主牆既3/4 寬，即係牆面長度為400cm，沙發適合的長度為300cm。旁邊可以放置小茶几，上面可以放電話或檯燈等單品。
挑選Tips 2：梳化與電視之間要有適當距離
一般梳化會對正電視同背靠牆壁，由梳化到電視距離要有1.5米-2.5米。但現時電視尺寸越嚟越大，如果你哋屋企係50吋大電視，咁距離就要3米-4米，咁樣先唔會造成眼睛負擔。
挑選Tips 3：坐梳化最舒服既尺寸
梳化坐高要喺35cm-42cm之間，差唔多人嘅小腿高度。過高或過低嘅尺寸都令我哋既肌肉難以放鬆，長時間使用會容易造成身體酸痛。座位深度要係48cm-55cm，當背脊貼靠喺梳化時，雙腳唔會離地。而扶手既高度喺62cm-65cm就最舒服啦。
家庭成員身高有所不同，最好當然一家人去親身試坐，睇下梳化係咪合適啦。
挑選Tips 4 ：梳化材質嘅好與壞
梳化材質通常可以分成真皮、彷皮、布藝，大家各有優缺點。
真皮感覺高貴大方，透氣好，觸感舒適，較容易清潔，只要有適當保養就會十分用，但價錢相對上貴。仿皮價錢較真皮梳化便宜，同樣易清潔，但質感不如真皮。布藝透氣度高，質地柔軟，價格較便宜，但較易留有污漬，難以清潔，耐用性低。
除左睇梳化材質本身既優缺點之外，都仲要考慮埋室內裝修風格，例如北歐風同無印風就比較適合布藝梳化。
