講到日式和室最具代表性嘅應該就係榻榻米地板。喺日劇當中都經常見到呢個設計，所以榻榻米設計非常深入民心，係日式和室不可或缺。

榻榻米主要材料係燈心草或藺草，呢種材料透氣舒適具有冬暖夏涼嘅功能，可能你會擔心榻榻米會唔會因潮濕發霉呢？大可放心，因為榻榻米嘅材質可以調節濕氣，當然喺春季較潮濕嘅季節，建議可以加開抽濕機。

日本人會喺榻榻米直接鋪上床鋪瞓覺，我哋未必習慣到，所以榻榻米設計亦都可以加入喺客廳或窗口角落，唔止局限於睡房。