學識黃金分割比率細屋看起來都像大屋

室內設計當中黃金分割比率係不可劃缺嘅元素。一間屋嘅設計裝修望落去好舒適同有美感，但係又講唔出原因，可能就係同黃金分割比率有關。黃金分割比率係咩嚟？聽落好似好複雜，其實唔難，識得用仲會令細屋望落去都變大屋，咁神奇嘅黃金分割就等小編今日講解啦。

甚麼是黃金分割比率？

黃金分割比率係古希臘數學家畢達哥拉斯所發現，黃金比例一直以嚟用喺藝術創作、平面設計以及建築設計等領域。事實上，係室內設計中黃金比例亦同樣適用，黃金比例係正確反映事物存在嘅邏輯性，滿足眼睛要求嘅最佳比例。

黃金分割係指將整體一分爲二，比值爲0.618。呢個比例係公認最能引起美感既比例，所以被稱爲黃金分割。當比例適當嘅時候，房間嘅外觀會比人覺得美觀，傢俬唔會太大或太小。

喺傢俬擺放中，我哋只需要記住2:3嘅比率，規劃空間時，我哋先將空間分為兩個部分。一個部分較大，大約佔據空間嘅三分之二，呢個空間係放置主要嘅傢俬，例如：梳化，電視。

另外三分之一較細部分就擺放一啲次要家品，例如燈、擺設。而梳化靠背牆最好都係跟返比率，梳化嘅大小係背牆嘅三分之二，另外三分之一就可以放盆栽等家品，望起上嚟空間唔會塞到好滿，視覺上舒服。

係照明設計中，通過明暗對比令視覺上感到舒適，就係1:5:10既比率。利用光既亮
暗黎營造氛圍。空間照明分三個光源，係照亮整個空間既基礎光源、照亮牆面既效
果光源、集中於照明事物既光源，5為集中光源，3為效果光源，1為基礎光源，只
要比率適合，空間氣氛既刻營造出黎。

好多人都會想係裝修上增添藝術氣質，所以掛一啲藝術感十足嘅抽象畫，但大多數抽象畫線條複雜，掛係床頭容易令思緒混亂，唔能夠集中工作溫書，較易受影響，唔適合求學或在家工作嘅人。

床頭掛畫唔可以太大，有啲屋主會鍾意大掛畫，可以增加睡房嘅優雅感，但過大厚重嘅掛畫會令人容易產生無形嘅壓力，影響睡眠質素，加上過大嘅掛畫有機會因承重力不足而倒下，導致意外發生。

聽落好似好多禁忌咁，但其實都有好多選擇㗎，就好似用色素雅嘅可愛卡通、顏色柔和、簡約風格既掛畫，又或者純文字嘅掛畫，最緊要望落去舒適無感到不安緊張就可以啦。

Facebook

WhatsApp

Threads